Erduk “Hezkuntzaren esparruan boluntariotza lantzeko irakasleei zuzendutako materiala” unitate didaktikoa aurkeztu du. Material horrek ikastetxeetan zeharka boluntariotza sustatzea du helburu.

Hik Hasik argitaratu berri du hausnarketa sustatzeko eta pentsamenduaren autonomia eta ikuspegi kritikoa lantzeko 133 ipuin eta 133 marrazkiz osatutako Joseba Sarrionandiaren liburua + lanketarako proposamen didaktikoa.

Eskaintza berezia egin du harpidedunentzat eta kopuru handia eskatzen dutenentzat.

Uztailaren 1ean eta 2an egin dira aurtengo Hik Hasi Udako Topaketak Donostiako EHUren Pedagogia Fakultatean eta Ekintza Ikastolan. Orotara 450 lagunek hartu dute parte ikastaroetan.

Aurten, 21 ikastaro eskaini dira, guztiak euskara hutsean, bi egunetan. Egutegiak baldintzatuta ikastaroak goiz eta arratsalde egin dira: 09:00etatik 14:00etara, eta 16:00etatik 18:30era.